فلم ڈاچی (1964)

عید کا دن ، جناب مسعودرانا مرحوم کے لیے بڑا یادگار دن تھا۔ 15 فروری 1964ء کو عیدالفطر کے دن ریلیز ہونے والی پنجابی فلم ڈاچی کے سدابہار گیت:

• ٹانگے والا خیر منگدا۔۔

سے انھیں بریک تھرو ملا تھا اور وہ پاکستانی فلموں کے سب سے بہترین آل راؤنڈ گلوکار ثابت ہوئے تھے۔

عرصہ تیس سال بعد ان کی آخری 'عید فلم' خاندان تھی جو 15 مارچ 1994ء کو عیدالفطر پر نمائش کے لیے پیش ہوئی تھی۔ یہ ایک ڈبل ورژن فلم تھی یعنی ایک پنجابی فلم کو اردو میں ڈب کر کے پیش کیا گیا تھا۔ اس فلم کا تھیم سانگ مسعودرانا نے اردو اور پنجابی زبانوں میں الگ الگ گایا تھا جو کچھ اس طرح سے تھا:

• اپنا پھر بھی اپنا ہووے ، دکھ سکھ میں کام آئے۔۔ /
  اپنا فیر وی اپنا ہووے ، دکھ سکھ وچ کم آوے۔۔

بطور ہیرو بھی مسعودرانا کی پہلی فلم دو مٹیاراں ایک عید کے دن یعنی عیدالاضحیٰ ، 10 مارچ 1968ء کو ریلیز ہوئی تھی۔

اعدادوشمار کے مطابق ، مسعودرانا نے عیدین کی نوے کے قریب فلموں میں سوا سو سے زائد گیت گئے گائے تھے جن میں کئی ایک سپرہٹ گیت تھے۔ گیتوں کی اتنی طویل فہرست پر دیگر مضامین میں بات ہوتی رہے گی۔